ზვარის ადმინისტრაციული ერთეულის ცენტრის კეთილმოწყობისა და მცირე სკვერის გაკეთების შესახებ

ქედის მუნიციპალიტეტის საკრებულოს

თავმჯდომარეს ბატონ შუქრი თურმანიძეს

მოქალაქე დავით ანანიძის

(მცხოვრები: დაბა ქედა, რუსთველის ქ. #13, ბინა 7;

მობ.: 599 279562; ელ. ფოსტა: d.ananidze@iod.ge)

პეტიცია

ზვარის ადმინისტრაციული ერთეულის ცენტრის კეთილმოწყობისა და მცირე სკვერის გაკეთების შესახებ

ზვარის ადმინისტრაციული ერთეულის ცენტრში, რომელსაც ბათუმი-ახალციხის მაგისტრალი კვეთს მარჯვენა და მარცხელნა მხარეს, გზასთან ახლოს განლაგებულია ადმინისტრაციული ერთეულის შენობა-ნაგებობა, სკოლა და ეკლესია. ბოლო პერიოდში განსაკუთრებული ინტენსივობით იმატა, როგორც ადგილობრივი და გარე ტურისტების, ასევე მომლოცველების რაოდენობამ. არასაკმარისი ტერიტორიის გამო ხშირად იქმნება სატრანსპორტო მიმოსვლის შეფერხების  და მოქალაქეების სიცოცხლისა და ჯანმრთელობის დაზიანების საფრთხე, ვინაიდან ცენტრს არ აქვს საკმარისი ტერიტორია, სადაც იქნება თავშეყრის ადგილი და ასევე მოეწყობა მცირე სარეკრეაციო ზონა.  აღნიშნული პრობლემის მოგვარება შესაძლებელია ცენტრის კეთილმოწყობით რის შედეგად გაჩნდება ტერიტორია, სადაც მოსახლეობას შეეძლება თავშეყრა და მცირე სარეკრეაციო ზონით სარგებლობა.

საქართველოს ორგანული კანონი ,,ადგილობრივი თვითმმართველობის კოდექსი”-ს 86-ე მუხლის მე-4 პუნქტის „გ“ ქვეპუნქტის და ,,ქედის მუნიციპალიტეტის საკრებულოს რეგლამენტის დამტკიცების შესახებ“ ქედის მუნიციპალიტეტის საკრებულოს 2016 წლის 3 მაისის №6-ე დადგენილების 117-ე მუხლის შესაბამისად, ქედის მუნიციპალიტეტის ტერიტორიაზე რეგისტრირებული ამომრჩეველი დავით ანანიძე (მცხოვრები: დაბა ქედა, რუსთველის ქ. #13, ბინა 7; მობ.: 599 279562; ელ. ფოსტა: d.ananidze@iod.ge) წარმოგიდგენთ პეტიციას წინანდადების სახით შემდეგ საკითხზე: ზვარის ადმინისტრაციული ერთეულის ცენტრის კეთილმოწყობისა და მცირე სკვერის გაკეთება.