მოწესრიგებული საზოგადოებრვი ტრანსპორტი

ა(ა) იპ ,,იალქანის“ ქობულეთის ახალგაზრდული ორგანიზაციის პეტიცია

ქობულეთის მუნიციპალიტეტში ერთ-ერთ მნიშვნელოვან პრობლემას წარმოადგენს მოუწესრიგებელი და გაუმართავი საზოგადოებრივი ტრანსპორტი. აუცილებელია  როგორც ავტოპარკის განახლება, ასევე დამატებითი რეისების დანიშვნაც.

მოგმართავთ თხოვნით, მოხდეს ქობულეთის მუნიციპალიტეტში  №1  და №2 სამარშრუტო ხაზზე, მიკროავტობუსების მუნიციპალური ავტობუსებით ჩანაცვლება და გადახდის ელექტრონული საბარათე სისტემის ამოქმედება, რაც გააუმჯობესებს როგორც  საზოგადოებრივი ტრანსპორტის  მომსახურების ხარისხს, ასევე მგზავრთა შეუფერხებელ და  უსაფრთხო გადაადგილებას.

პეტიციის მიზანია ჩამოაყალიბოს გარემო, რომელიც უზრუნველყოფს მოსახლეობის ცხოვრების ხარისხის გაუმჯობესებას თანამედროვე ტექნოლოგიების სტანდარტების სრული დაცვით, რომელიც ინდივიდუალურად იქნება მორგებული, როგორც ადგილობრივ მოსახლეობაზე, ასევე ტურიზმისა და ბიზნესის სექტორის მოთხოვნილებებსა და საჭიროებებზე.